Trupi i pajetë i Aldi Ramës është tërhequr nga morgu në Tiranë. Trupi nuk është tërhequr nga familjarët por nga morgu përmes agjencisë funerale gjatë orëve të vona të natës, dhe në lidhje me të nuk është plotësuar as skedë vdekje, një procedurë që zbatohet në çdo rast.
Askush nuk ka bërë pagesat për agjencinë funerale, e cila e ka dërguar trupin e pajetë në lagjen nr. 13 në Durrës, ku jeton nëna dhe vëllai i tij i madh.
Nëna e Aldi Ramës ka hapur dyert e mortit në Durrës për të pritur trupin e pajetë të djalit të tij. Policia ka marrë masat me një makinë patrulle e cila qëndron jashtë saj.
Të afërm kanë shkuar për ngushëllime teksa jashtë kameras së News24 kanë deklaruar se “Djalin Aldon nuk e njihnim, e kanë rritur gjyshërit”.
Aldi Rama u rrit me prindër të divorcuar, por varrimi do të bëhet nga nëna e tij në Durrës sot në orën 14:00, raporton gazetarja Klodiana Haxhiaj.
Dy ditë më parë 21-vjeçari vrau nënkomisarin e Lezhës, Saimir Hoxha me dy plumba pas një operacioni antidrogë teksa aps 4 orësh arrati qëlloi dhe veten në kokë. Ai ndërroi jetë ditën e djeshme në spitalin e Traumës në Tiranë.
g.kosovari
