Trupa ushtarësh me koka të prera, civilë të pushkatuar dhe torturuar, adoleshentë të terrorizuar aq sa nuk marrin guximin ë dalin nga bodrumet ku ishin fshehur deri tani: kjo është panorama e asaj që forcat e Putinit kanë lënë pas, sipas Lesia Vasylenko, deputete ukrainase.
Të paktën 150,000 ukrainas jetonin nën pushtimin rus thuajse që nga nisja e pushtimit.
Që nga 6 shtatori, forcat ukrainase kanë rimarrë më shumë se 300 vendbanime në rajonin e Kharkiv, duke marrë rreth 6 mijë kilometra katrorë të territorit të pushtuar nga Rusia.
“Çlirimi zbulon shumë krime. Përballemi me qindra, për të mos thënë mijëra krime të tmerrshme si ato që ndodhën në Bucha”, tha Vasylenko, duke iu referuar varrezave masive të civilëve dhe dëshmive të torturave të zbuluara në Bucha kur forcat ukrainase rimorën rajonin e Kievit. “Do të ketë gjykim, ndëshkim dhe drejtësi”, shtoi ajo.
Deputetja ukrainase në një postim në Tëitter tha se ushtarët e Putinit vodhën gjithçka nga vendi i saj, madje edhe të brendshme, ndërsa armët sipas saj i lanë pas.
Ajo ka bërë publike edhe një detaj jo të këndshëm, kur tha se jashtëqitjet e ushtarëve gjendeshin kudo në zonat e çliruara, në kisha, shtëpi apo rrugë.
“Duket sikur ushtarët rusë nuk e dinë se çfarë është tualeti”, shkroi ajo./m.j
