Presidenti i SHBA, Donald Trump, ka dalë sot në një konferencë për shtyp para amerikanëve, pas sulmit me raketa të Iranit ndaj dy bazave amerikane në Irak.
Ai u shpreh se SHBA-të kanë ushtrinë më të fuqishme në botë dhe se nuk do të tërhiqen nga reagimet ndaj Iranit, duke theksuar se do vijojnë sanksionet.
“Për sa kohë do jem President i SHBA, Irani nuk do të ketë fuqi bërthamore. Asnjë amerikan nuk u dëmtua nga sulmet e regjimit iranian, nuk patëm viktima, të gjithë ushtarët tanë janë të sigurt. Dëme minimale u shkaktuan në bazat tona ushtarake. Forcat tona janë të përgatitura për gjithçka.
Një gjë e mirë për gjithë botën që asnjë amerikan nuk humbi, sepse u morën masat e duhura për të dërguar forca, pas paralajmërimeve. Kombet kanë toleruar sjelljen e Iranit, por ato ditë kanë përfunduar. Irani ka qenë sponsori kryesor i terrorizmit. Javën e kaluar morëm vendime decizive për të ndaluar një terrorist të pashpirt”, tha Trump. /e.s/
