Kryeministri kanadez Justin Trudeau deklaroi se Kanadaja dhe 11 vendet e tjera pjesëtare të Partneritetit Trans-Paqësor kanë rënë dakord për një marrëveshje të rishikuar tregtare. Marrëveshja vjen pikërisht një vit pasi Presidenti Trump tërhoqi vendin e tij nga marrëveshja. Marrëveshja vjen mbas dy ditësh bisedimesh të nivelit të lartë në Tokio dhe u konfirmua nga Ministri i Tregtisë Kanadeze Francois-Philippe Champagne. Partnerët tani priten të punojnë drejt nënshkrimit të marrëveshjes deri në fillim të marsit. Trudeau deklaroi se marrëveshja i plotëson objektivat e Kanadasë për krijimin dhe ruajtjen e zhvillimit, prosperitetit dhe rrogave të mirë paguara për shtresën e mesme.
Që nga marrja e pushtetit, zoti Trump ka kërkuar rinegocimin e Marrëveshjes së Tregtisë së Lirë të Amerikës së Veriut me Kanadanë dhe Meksikën dhe e ka tërhequr SHBA-në nga Partneriteti Trans-Paqësor, një iniciativë e projektuar për të liberalizuar dhe rritur tregtinë rajonale.
Megjithëse pa anëtarin e saj më të madh, Shtetet e Bashkuara, anëtarët e mbetur të PTP-së janë zotuar për një marrëveshje të re, Trudeau u tha krerëve të biznesit në Davos se një marrëveshje e rishikuar ishte nënshkruar në Tokio pas dy ditë bisedimesh të nivelit të lartë.
Marrëveshja vjen mes shqetësimeve që Trump do të tërheqë Shtetet e Bashkuara edhe nga marrëveshja e Tregtisë së Lirë e Amerikës së Veriut. Shtatëdhjetë e pesë për qind e tregtisë së Kanadasë kryhet me SHBA-në dhe Kanadaja është e gatshme për tu diversifikuar. Gjatë një vizite në zyrën ovale të Trudeau në tetor, z. Trump tha “ne do të shohim se çfarë do të ndodhi me NAFTA”, por shtoi se “kam qenë kundër asaj marrëveshjeje për një kohë të gjatë”.
Duke iu përgjigjur z.Trump, Trudeau tha gjithashtu se qeveria e tij është duke “punuar shumë për t’u siguruar që fqinji ynë në jug t’i njohi vlerat e marrëveshjes NAFTA, nga e cila nuk ka përfituar vetëm ekonomia jonë, por ekonomia e SHBA dhe ekonomia botërore”.
Megjithëse mundësia e një lufte tregtare ndërmjet ekonomive të mëdha është një nga shqetësimet e ekonomisë botërore, optimizmi mbi perspektivën është në nivelin më të lartë se në çdo kohë që përpara se kriza financiare botërore e një dekade më parë. Fondi Monetar Ndërkombëtar, për shembull, ka përmirësuar parashikimin e saj të rritjes botërore për 2018 në 3.9 për qind, ndërsa India po rritet me një rritje më të lartë se 7.4 për qind, nga 6.7 për qind vitin e kaluar. Megjithatë, Kanadaja parashikohet të shohë rritje më të ulët se vjet, nga 3 për qind në 2017 në 2.3 për qind këtë vit.
/CBS NEWS/KJ
