Presidenti i SHBA, Donald Trump i është përgjigjur me inat një gazetari gjatë konferencës për mediat në Zyrën Ovale, teksa është pyetur se sa larg është i gatshëm të shkojë në përgjigje nëse Putini do të përshkallëzonte çështjet.
“Mos më bëj një pyetje të tillë”, përgjigjet Trump me inat, duke shtuar se “dëshiron që lufta të zgjidhet”.
“Në fund të fundit, të kesh një Evropë të fortë është një gjë shumë e mirë”, vazhdon Trump.
Trump përsëriti zhgënjimin e tij që Putini i ka rezistuar arritjes së një marrëveshjeje me Ukrainën për t’i dhënë fund luftës.
Ai tha se bisedat e tij me presidentin rus “janë gjithmonë shumë të këndshme”, por “pastaj raketat shpërthejnë atë natë”.
Putini “e di çfarë është një marrëveshje e drejtë”, tha Trump.
