Presidenti amerikan, Donald Trump u largua dje pasdite nga Siçilia, etapa e fundit e udhëtimit të tij të parë jashtë vendit ku vizitoi edhe Arabinë Saudite, Izraelin, Romën dhe Brukselin.
Presidenti republikan që nuk morri pjesë në asnjë konferencë për shtyp gjatë gjithë këtij turi tetë ditor, ngriti lartë “përparimet e jashtëzakonshme të arritura gjatë këtij udhëtimi për të promovuar sigurinë dhe zhvillimin e SHBA-së, të miqve dhe aletatëve të saj”.
“Këtë javë bëmë shumë miq të mirë”, shtoi ai në përfundim të samitit të G7-ës në Taormina ku diskutimet ishin shumë të ashpra, në veçanti për çështjet e klimës.
“Paqja nëpërmjet forcës. Është ajo që do të kemi. Ne do të kemi shumë forcë dhe shumë paqe”, ritheksoi ai, me një formulë habitëse.
Ai edhe këtë herë kritikoi, sikurse bëri kur sihte të enjten në Bruksel, anëtarët e Aleancës që nuk mbajnë angazhimet e tyre në çështjet e shpenzimeve ushtarake.
“Kjo është e padrejtë për taksapaguesit amerikanë”, theksoi ai.
“Ne jemi krejtësisht pas NATO-s por duam që të trajtohemi në mënyrë të barabartë”, vazhdoi ai.
Kur të mbërrijë në Uashington, presidenti amerikan do të përballet sërish me problematikat e hetimit për lidhjet e dyshuara të anëtarëve të ekipit të tij me Rusinë./b.d
