Shtetet e Bashkuara kanë nisur një operacion për të kapur një anije cisternë të Venezuelës, pas një ndjekjeje prej më shumë se dy javësh nëpër Atlantik.
Tanker-i, i cili më parë njihej si Bella-1 dhe tani operon nën flamurin rus me emrin Marinera, është nën sanksione amerikane që nga viti 2024 për rol në transportin e naftës së paligjshme. US Coast Guard dhe forcat amerikane po bëjnë përpjekje për ta kapur atë, pas refuzimit të ekuipazhit për t’u ndaluar kur u përpoqën ta hipnin në detet e Karaibeve.
Raportohet se anije ushtarake ruse, përfshirë një nëndetëse, ishin pranë zonës kur nisi operacioni, gjë që mund të çojë në tensione të reja midis Uashingtonit dhe Moskës.
Ky veprim është pjesë e strategjisë amerikane për të zbatuar sanksionet ndaj Venezuelës dhe për të ndaluar anijet që shfrytëzojnë rrjetin e quajtur “shadow fleet”, që përpiqet të shmangë kontrollet dhe sanksionet ndërkombëtare.
