Presidenti amerikan, Donald Trump njoftoi sot se nuk ishte arritur asnjë marrëveshje me demokratët mbi programin që mbronte migrantët e mitur, të ardhur në SHBA në mënyrë të paligjshme, nga dëbimi.
“Nuk është bërë asnjë marrëveshje mbi programin DACA dje në mbrëmje”, njoftoi Trump sot nëpërmjet faqes së tij në rrjetin social Twitter, duke iu referuar programit të Veprimit të Shtyrë për Ardhjet e të Miturve (Deferred Action for Childhood Arrivals – DACA).
Dy demokratët kryesorë, liderja e pakicave së Shtëpisë së Bardhë, Nancy Pelosi dhe lideri i minorancës në Senat, Chuck Schumer njoftuan dje pas një takimi me presidentin , Trump se kishin arritur një marrëveshje për të mbrojtur programin DACA.
Një vendim i mëparshëm i presidentit, Trump për t’i dhënë fund programit DACA, i cili u prezantua nga paraardhësi i tij Obama në vitin 2012, mund të rrezikojë statusin e qindra mijëra migrantëve të mitur që kanë jetuar në SHBA pjesën më të madhe të jetës së tyre.
Demokratët në Kongresin amerikan dhe presidenti, Donald Trump njoftuan po sot se kishin arritur dje një marrëveshje mbi ruajtjen e një programi që mbron migrantët e mitur, të ardhur në SHBA ilegalisht, nga dëbimi, sipas një njoftimi dje në mbrëmje.
“Ne ramë dakord për ruajtjen e programit DACA dhe zgjidhjen e një pakete sigurie kufitare duke përjashtuar muret, e pranueshme për të dyja palët”, sipas deklaratës së liderëve demokratë duke iu referuar thirrjes së Trumpit për vendosjen e një muri kufitar meksikan.
“Gjatë takimit të Trumpit me Pelosi dhe Schumer, u diskutua mbi çështjen e reformës së taksave, infrastrukturës dhe tregtisë, përfshirë edhe çështjen e të sigurisë kufitare dhe të DACA-s”, njoftoi një zyrtar i Shtëpisë së Bardhë./b.d
