Me rastin e fillimit të takimit vjetor të Asamblesë së Përgjithshme të OKB-së, presidneti amerikan, Donald Trump synon të paraqesë një plan me 10 pika të firmosur nga 120 vende për të reformuar organizatën.
Në gusht, SHBA-ja kishte afruar fillimisht rreth 15 kryeqytete, mes të cilëve Berlinin dhe Londrën, por jo Parisin dhe Romën, me një projekt fillestar që binte mbi përgjegjësitë e sekretarit të përgjithshëm në reforma.
Objektivi i theksuar në këtë deklaratë është që OKB-ja të bëhet më efikase dhe performante nga një organizatë që shpesh herë karakterizohet nga administrata të mëdha dhe të kushtueshme.
Miliarderi amerikan, që para se të zgjidhje president e kishte cilësuar OKB-në si një klub ku njerëzit kalojnë një kohë të mirë, kërkon të reduktojë ndjeshëm kostot e saj. Uashingtoni është kontribuesi i parë financiar në OKB, që garanton 28,3 për qind të 7,3 miliardë dollarëve që është buxheti për paqen dhe 22 për qind nga 5,4 miliardë që është buxheti për pjesën operative.
Kjo qasje kryesisht buxhetore prek shumë prej anëtarëve të Kombeve të Bashkuara dhe iniciativa amerikane futet në mes të reformave strukturore të filluara nga Antonio Guterres.
I gatshëm për të bërë kursime, sekretari i përgjithshëm ka paralajmëruar për rrezikun e rënies së efikasitetit të misioneve të paqes. Sipas disa diplomatëve, një reduktim për gjysëm për shembull i buxhetit të Komisariatit të Lartë për Refugjatët (HCR), që varet 40 për qind nga kontributi amerikan, do e bënte atë jo funksional. Megjithatë deklarata amerikane nuk hyn në shifra, por limitohet të listojë parime madhore dhe janë këto pika që mbështeten edhe nga firmëtarët.
Sipas rrethit të sekretarit të përgjithshëm, ai shpreson të ketë një buxhet vjetor dhe jo dy vjeçar siç është aktualisht, si dhe të ketë një dokument të vetëm për këtë buxhet dhe jo disa sikurse është aktualisht që e bën këtë tekst të palexueshëm.
“Qëllimi im është për të bërë gjithçka që mundem për të ruajtur integritetin e operacioneve të paqes, por gjithashtu të bëjë gjithçka është e mundur për t’i bërë ato sa më efikase me çmimin më të ulët”, ka theksuar Antonio Guterres, përgatiti Express. (b.an)
