Presidenti Donald Trump ka deklaruar se Shtetet e Bashkuara do të arrijnë një marrëveshje me Iranin, ose “do të përfundojnë punën e nisur” duke ripërsëritur kërcënimin e tij për veprim ushtarak.
Bisedimet indirekte SHBA-Iran përfunduan javën e kaluar pa ndonjë shenjë publike përparimi drejt një paqeje të qëndrueshme, pavarësisht një armëpushimi 60-ditor që synonte të krijonte hapësirë për diplomaci pas sulmeve amerikane dhe izraelite që shkaktuan konfliktin.
“Ne ose do të bëjmë një marrëveshje, ose do të përfundojmë punën. Dhe nuk do të jetë e vështirë. Preferoj të bëj një marrëveshje, sepse nuk dua të preken 91 milionë njerëz. Ne mund t’i rrëzojmë urat e tyre brenda një ore, mund të shkatërrojmë furnizimin e tyre me energji… Ata tani nuk kanë para. Ne nuk u kemi dhënë asnjë para”, tha Trump për gazetarët në Zyrën Ovale.
Trump foli pas funeralit të fundjavës së Khameneit, ku në vend që të dukej i dobësuar nga lufta që filloi me sulmet amerikane dhe izraelite më 28 shkurt, iranianët u dukën sfidues, të bashkuar dhe të vendosur të ndikojnë në atë që do të vijë më pas.
Armëpushimi 60-ditor ishte menduar nga Washingtoni për të ringjallur diplomacinë mbi ndalimin e zhvillimit të armëve bërthamore nga Irani.
