Liderë dhe zyrtarë nga e gjithë bota kanë reaguar ndaj njoftimit të tarifave të shpallura nga Donald Trump këtë mëngjes mbi BE-në.
Mediat e huaja kanë publikuar reagimet e disa shteteve si Polonia, Luksenburgu, Finlanda, Franca dhe vetë reagimin e shefes së Politikës së Jashtme të BE.
Polonia
Kryeministri polak Donald Tusk ka thënë: “Polonia me siguri do të jetë një vend që inkurajon punën e përbashkët dhe kujdesin. Por ne gjithashtu duhet të themi qartë se çdo plan për të futur dogana dhe luftëra tregtare [të pagave] është një gabim i madh.”
Luksemburgu
Kryeministri i Luksemburgut Luc Frieden tha se përgjigja ndaj tarifave tregtare është përgjigjja me të njëjtat masa.
“Unë mendoj se tarifat janë gjithmonë të këqija. Tarifat janë të këqija për tregtinë. Tarifat janë të këqija për Shtetet e Bashkuara,” tha ai.
BE
Shefja e politikës së jashtme të Bashkimit Evropian, Kaja Kallas tha se nuk kishte fitues në një luftë tregtare dhe nëse SHBA dhe Evropa e nisin një të tillë “atëherë ajo që qesh në krah është Kina”.
“Ne jemi shumë të ndërlidhur. Ne kemi nevojë për Amerikën dhe Amerika ka nevojë për ne gjithashtu,” tha ajo, shkruan A2 CNN.
Finlanda
Kryeministri i Finlandës Petteri Orpo tha se Evropa duhet të negociojë me Trump për tregtinë.
“Çështja më e rëndësishme që ne të gjithë duhet të kuptojmë është se Rusia është një kërcënim, një kërcënim real. Ky nuk është një opinion, ky është një fakt,” tha ai.
Franca
Guvernatori i Bankës Qendrore franceze, Francois Villeroy de Galhau, tha se tarifat e vendosura nga Trump “do të rrisin pasigurinë ekonomike”.
Villeroy, i cili është gjithashtu një politikëbërës i Bankës Qendrore Evropiane, tha se tarifat e Trump ishin “shumë brutale” dhe do të goditnin veçanërisht sektorin e automjeteve.
Për masat e mundshme hakmarrëse, Villeroy tha se një përgjigje e tillë nuk duhet të përjashtohet, por ai kërkoi kujdes.
“Çelësi është ta bëjmë ekonominë tonë më të fortë,” tha ai.
