Presidenti amerikan, Donald Trump, ka ftuar presidentin rus, Vladimir Putin, që ta vizitojë Shtëpinë e Bardhë. Lajmin për këtë ftesë sot e kanë publikuar edhe zyrtarë rusë.
“Nëse çdo gjë ecën si duhet, shpresoj se amerikanët do ta kenë propozimin që të bisedohet për mbajtjen e mundshme të Samitit. Kur kanë biseduar presidentët tanë, Trump ka propozuar që takimi i parë të mbahet në Washington”, ka thënë sot në Moskë ndihmësi i Putinit, Jurij Ushakov.
Kremlini, siç raporton Reuters, ka thënë se ende nuk është mbajtur ndonjë diskutim për samitin e propozuar mes presidentit rus dhe atij amerikan. Kreu i SHBA-së, Donald Trump, kishte propozuar për këtë takim në një telefonatë me Putinin më 20 mars. Që atëherë, kujtojmë se Washingtoni ka dëbuar 60 diplomatë rusë dhe ka mbyllur konsullatën ruse.
ma.me
