Presidenti i zgjedhur i SHBA-ve, Donald Trump më herët foli për luftën në Ukrainë nga klubi i tij Mar-a-Lago në Palm Beach, Florida.
Trump tha se do të bisedonte me presidentët Vladimir Putin dhe Volodymyr Zelenskyy për t’i dhënë fund luftës në Ukrainë, duke thënë se ishte i shqetësuar nga imazhet e masakrës nga konflikti në fjalë.
“Duhet të bëj një marrëveshje”, tha Trump gjatë fjalës së tij, shkruan A2 CNN.
Trump nuk dha një përgjigje të drejtpërdrejtë kur u pyet nëse ai besonte se Ukraina duhet t’i dorëzonte territorin Rusisë si pjesë e një zgjidhjeje të negociuar për luftën gati tre-vjeçare.
“Dua të them, ka qytete që nuk kanë një ndërtesë në këmbë, është një vend rrënimi,” tha ai.
Kujtojmë se Trump gjatrump gjatë fushatës së tij për zgjedhjet presidenciale në SHBA premtoi se mund t’i jepte fund luftës për vetëm dy ditë.
Mijëra njerëz, civilë e ushtarakë, kanë humbur jetën në konfliktin në Ukrainë, pas agresionit të pajustifikuar nga Rusia ndaj fqinjit të saj perëndimor.
