Administrata Trump do të takohet me gjigantët e sektorit të teknologjisë për të diskutuar mbi idetë inovative në gjendje që t’i garantojnë SHBA-së kreun botëror në sektorin industrial në të ardhmen.
Në këtë takim që do të zhvillohet të enjten do të jenë të pranishëm drejtori i përgjithshëm i “Google”, Sundar Pichai, ai i “Microsoft”, Satya Nadella dhe Steve Mollenkopf, drejtori i “Qualcomm”.
Në fakt Pichai do të jetë në Uashington edhe një ditë më parë, të mërkurën më 5 dhjetor, për të dëshmuar para një komisioni të Drejtësisë të Dhomës së Përfaqësuesve.
Mes argumenteve që do të shqyrtohen nga numri një i “Google” figurojnë mbrojtja e të dhënave të përdoruesve, rezultatet e kërkimit me temë politike si dhe mbi punimet e kompanisë për projektin “Dragonfly”, që konsiston në një motor kërkimi të censuruar për Kinën, përgatiti Tema.
