Në një postim në Twitter, Donald Trump akuzoi sot Phenianin për tortura, përtej imagjinares, të studentit amerikan Otto Warmbier, i cili vdiq qershorin e kaluar, një javë pas rikthimit në atdhe në gjendje kome nga Koreja e Veriut.
“Intervistë emocionuese në ‘Fox & Friends’ e prindërve të Otto Warmbier: 1994-2017. Otto u torturua përtej imagjinares nga ana e Koresë së Veriut”, shkruan presidenti amerikan në Twitter.
Asnjë zyrtar amerikan nuk kishte akuzuar deri më tani publikisht Korenë e Veriut për aktet çnjerëzore të ushtruara ndaj studentit, i arrestuar në Phenian në janarin e 2016.
Deklaratat e tij vijnë pas një interviste të prindërve të Otto Warmbier që akuzuan Phenianin për torturadhe plagosje të qëllimshme të djalit të tyre, të martën në mëngjes, në televizionin ”Fox News”.
Në qershor, pas vdekjes së studentit, presidenti amerikan e cilësoi Korenë e Veriut një “regjim i dhunshëm”.
Pheniani u kundërpërgjigj duke dënuar një “fushatë shpifjesh” dhe përgënjestroi çdo formë torture apo keqtrajtimi të amerikanit 22-vjeçar./b.d
