Zbardhen tabulatet e përgjimeve lidhur me skandalin e trukimeve në Itali në kategoritë e ulëta të futbolli, ku në mesin e 50 të arrestuarve janë dhe dy shqiptarë.
Nga përgjimet është zbardhur biseda mes drejtorit sportiv të “L’Aquila” Ernesto Di Nikola si dhe investitorit shqiptar Edmond Nerjaku.
Sipas prokurorëve Di Nikola i ka ofruar shqiptarit Edmond Nerjaku, që të financonte një bast 70 mijë eurosh për ndeshjen Livorno-Breshia e luajtur në 24 janar të 2014. Shqiptari Nerjaku e ka vënë bastin për fitoren e Livornons si dhe të behen sa më shumë gola.
Ndeshja u fitua nga Livorno 4-2. Një tjetër ndeshje që përfshin shqiptarin është Katania-Krotone e luajtur më shkurt.
Nga përgjimet ka rezultuar se Di Nikola bënte që ndeshjet të dilnin ashtu siç shqiptari dhe shumë të tjerë i donin për të fituar bastin e tyre.
Por skandali i trukimeve ka arritur deri në Austri. Pas trukimeve të ndeshjeve futbollistët austriakë, udhëtonin drejt Tiranës për të marrë shpërblimet e tyre.
Në ndeshjet e trukuara në Austri viheshin baste deri në 300.000 euro, ndërsa lojtarët që po fiksonin ndeshjet shpërbleheshim me nga 25 mijë euro.
Nga hetimet del se në një rast një ndeshje nuk ka dalë ashtu siç mafiozët e kishin lujtur në bast, një njëri nga futbollistët është marrë peng në një nga hotelet në Tiranë.
Shqiptari tjetër Erikson Aruçi sipas prokurorëve të animafias italiane, një bashkëpunëtor i grupit, dyshohte dhe për një pengmarrje, kur një nga ndeshjet nuk ka përfunduar me rezultatin e hedhur në bast.
