Prokuroria e Tiranës nis zyrtarisht hetimin per trukimin e ndeshjeve pas skandalit të publikuar nga UEFA në të cilin është përfshirë ekipi korçar i Superligës Skëndërbeu.
Burime nga akuza bënë me dije për Report Tv se ky hetim do të drejtohet nga njësia e krimit ekonomik dhe për të hetuar mbi raportin voluminoz të UEFA-s janë caktuar dy prokurorë.
Po sot prokuroria i ka dërguar një letër porosi organizmit europian të futbollit ku kërkon një kopje të raportit si dhe të dhënat që ka përfituar UEFA nga hetimet administrative që ka kryer për skandaline trukimeve.
Lidhur me personat e përmendur në raport mes tyre dhe ish-ministri i financave Ridvan Bode do të thirren për të dëshmuar si persona që kanë dijeni mbi rrethanat e hetimit.
Ndeshjet e trukuar nga Skënderbeu dyshohet të jenë 50 të tilla ndërsa personat të cilët janë listuar nga njësia e krimit ekonomik për t’u pyetur e verifikuar transaksionet bankare apo pasuritë e tyre sipas burime të Report TV janë 30 shtetas shqiptarë, politikanë, biznesmenë dhe futbollistë.
shqiptarja.com/d.i.
