E deleguara e kryesisë së Partisë Socialiste dhe kryesuesja e listës për deputetë në qarkun e Kukësit, Mimi Kodheli ishte në bashkinë e Tropojes për prezantimin e kandidatës së PS, mjeken Valbona Doçi. Në prezantimin që Kodheli i bëri kandidates Doçi theksoi eksperiencën e gjatë profesionale në sektorin e shëndetësisë, por dhe karrierën e gjatë partiake të saj.
“Valbona ështe një bijë e mirë Tropoje që ju ka nderuar dhe do dijë t’ju përfaqësojë me dinjitet në Parlamentin shqiptar”, theksoi Kodheli.
Kandidatja Doçi falenderoi kryesinë e Partisë Socialiste për vlerësimin që i ka bërë asaj si dhe socialistët e Tropojës dhe gjithë qytetarët e kësaj zone që e pranuan dhe që këto ditë i kanë shprehur mbështetjen e saj. Ajo u shpreh besimplotë që kjo bashki do të dijë të bëjë zgjedhjen e duhur këtë herë për t’u rrjeshtuar në anën e drejtë të historisë. Kandidatja Doçi nënvizoi se “si bijë Tropojës do të jem mbeshtetja Juaj më e madhe në Parlament dhe pranë qeverisë për të punuar dhe thithur investime në këtë zonë tërësisht të harruar nga qeverisja e shkuar”.
ma.me
