Vijojnë operacionet antikanabis në gjithë territorin e vendit.
Si rezultat i kontrollit të ushtruar në fshatin Gjonpepaj të Tropojës në afërsi të banesave të shtetasve Gjergj Ulndreaj dhe shtetasit D.D, u gjetën dhe asgjesuan me anë të djegies 134 rrënjë bimë narkotike.
Gjithashtu gjatë kontrollit të ushtruar në banesën e shtetasit D.D., në ambientet e brendshme iu gjet dhe iu sekuestrua 1 armë zjarri automatik.
Në përfundim të veprimeve të para hetimore u bë arrestimi në flagrancë i shtetasit: Gjergj Ulndreaj, 55 vjeç, banues në fshatin Gjonpepaj të Tropojës. Po ashtu u proceduan penalisht shtetasit: D.D., 82 vjeç, banues në fshatin Gjonpepa dhe Gj.D., 58 vjeç, banues në fshatin Gjonpepaj me funksion kryeplak i fshatit.
Ndërsa gjatë kontrollit të ushtruar në fshatin Vranë, u gjetën dhe asgjesuan me anë të djegies 380 rrënjë bimë narkotike në tokë pa pronar. Po punohet për identifikimin dhe kapjen e autorëve./a.m.