Një ngjarje e rëndë kirminale ka tronditur Vlorën gjatë orëve të vona të së hënës.
Biznesmeni Vasil Dervishaj, 29-vjeç është ekzekutuar me armë zjarri në lagjen “Pavarësia” në qytetin bregdetar.
Atij i është bërë pritë teksa ndodhej poshtë banesës së tij tek ish Kombinati i Peshkut. Viktima është qëlluar disa herë në makinën e tij.
Vasil Dervishaj po bëhej gati që të zbriste nga makina e tij me targa OD 467AF në momentin që është qëlluar me armë zjarri. Ai ka tentuar që të largohet, duke zbritur nga makina, por autorët e kanë qëlluar disa herë duke e lënë të vdekur në vend.
Menjëherë në vendngjarje kanë mbërritur forca të policisë dhe hetuesisë, që po punojnë për identifikimin e viktimës dhe zbardhjen e ngjarjes dhe identifikimin e autorëve.
Gjithashtu janë ngritur disa patrulla në hyrjet dhe daljet e qytetit, për të bërë të mundur ndalimin e personave që mund të jenë përfshirë në këtë ngjarje.
Ndërkaq në pyetje do të merren edhe dëshmimtarë dhe të afërm të viktimës. Paraprakisht dyshohet se vrasja mund të ketë ndodhur për konflikte të vjetra. 29-vjeçari jetonte në Vlorë dhe kishte një pikë ku shiste lavatriçe dhe frigoriferë të përdorur.
Po ashtu ai kishte një biznes kafeje ndërkohë në të shkuarën rezulton me precedentë në fushën e trafikut të kokainës. Në këtë drejtim janë përqendruar edhe hetimet./a.m.
