FBI nuk tërhiqet edhe pas akuzave të forta dhe presioneve të presidentit Donald Trump, në kuadër të hetimeve për ndikimin rus në fushatën zgjedhore por edhe për akuzat e pornostares së njohur se ka marrë para nga avokati i presidentit për të mos publikuar aferën e tyre.
Mësohet se agjentët e FBI kanë kryer kontrolle të imtësishme në zyrën e avokatit personal të Trump Michael Cohen. Raportohet se aty janë marrë disa incizime që konsiderohen si prova të rëndësishme.
Pas këtij veprimi ka ardhur edhe reagimi i ashpër i presidentit Trump.
“Kjo është situatë e turpshme. Përbën totalisht gjueti shtrigash dhe e kam thënë këtë gjë disa hërë. Ky është sulm ndaj shtetit tonë. Ky është sulm ndaj parimeve, mbrapa të cilave qëndrojmë”, ka thënë ai.
Ndërkohë demokrati Adam Schiff ka deklaruar se veprimi i FBI-së është miratuar nga një gjyqtar. “Kjo nuk është gjueti shtrigash. Është sundim i ligjit”, ka shkruar ai në Twitter./a.m./
