Është raportuar për dy shpërthime të cilat dyshohet të jenë terroriste në Manchester. Numër i madh i policisë, helikopterë dhe ambulanca janë parë duke u afruar në zonën ku dyshohet të kenë ndodhur shpërthimet. Për momentin nuk dihet nëse ka viktima ose të lënduar dhe çfarë ka ndodhur saktësisht atje.
Pas raportimit për dy shpërthime në Manchester Arena, policia është mobilizuar së bashku me ambulancat dhe ekipet e ndihmës së shpejtë. Gjithashtu dy helikopterë janë parë mbi zonën ku ka ndodhur shpërthimi, ndërsa policia ka kërkuar që të shmanget zona.
Një banore e vendit ku ka ndodhur shpërthimi ka rrëfyer duke treguar se shpërthimi ka qenë i fuqishëm dhe është dëgjuar në banesën e saj 4 blloqe larg vendit ku po mbahej koncerti.
Një tjetër vajzë e cila ishte prezente në koncert tregon se janë dëgjuar dy zhurma të mëdha dhe pastaj të gjithë ishin në gjendje të lartë paniku. Ende nuk dihet se çfarë është duke ndodhur në Manchester. /b.d
Police say a number of people have died in a reported explosion at Manchester Arena pic.twitter.com/yEYF7tVVWF
— Press Association (@PA) May 22, 2017
