Forcat libiane të qeverisë së unionit kombëtar njoftuan sot se grupi xhihadist Shteti Islamik (ISIS) kishte zhvilluar, vetëm ditën e martë, nëntë atentate vetëvrasëse në përpjekje për të mbajtur pozicionet e tij në një lagje të cilën në fund të ditës e humbi.
Gjatë luftimeve që u zhvilluan dje në Sirte (450 km në lindje të Tripolit) u vranë nëntë persona dhe 82 të tjerë u plagosën mes forcave qeveritare, sipas një bilanci të publikuar nga Rida Issa, zëdhënës i qendrës për shtyp të forcave proqeveritare.
Gjatë këtyre luftimeve, xhihadistët kanë intensifikuar përdorimin e atentateve vetëvrasëse me shpresën që të mbajnë pozicionet në lagjen numër dy, të cilën e humbën përfundimisht në fund të ditës./ r.a
