Një shpërthim eksplozivi ka tronditur banorët e Lezhës ditën e sotme. Ngjarja ka ndodhur rreth orës 13:30 në lagjen “Skënderbeg” të qytetit.
Sipas policisë së Lezhës shpërthimi ka ndodhur në një magazinë jofunksionale, në pronësi të shtetasit me inicialet K.C, 60 vjeç.
Menjëherë në vendngjarje kanë mbërritur shërbimet policore që kanë konstatuar se si pasojë e shpërthimit nuk ka të lënduar në njerëz, vetëm dëme materiale.
Sakaq, kanë nisur hetimet për zbardhjen e plotë të ngjarjes, si dhe identifikimin dhe kapjen e autorëve të vendosjes së lëndës eksplozive.
