Dy persona janë vrarë e dy të tjerë janë plagosur me armë zjarri të dielën (10 gusht) në mesditë, në Gjilan.
Zëdhënësi i Policisë në Gjilan, Ismet Hashani, tha se vdekja e dy personave është konstatuar në vendin e ngjarjes, në rrugën “Ibrahim Rugova”, ndërsa dy të plagosurve u është ofruar ndihma në qendrën emergjente në Gjilan.
“Ju njoftoj se sot 10.08.2025 rreth orës 12:32 dyshohet se ka ndodhur një rast vrasje dhe plagosje me armë zjarri në Gjilan rr. “Ibrahim Rugova” Në këtë rast mjeku kujdestar e ka konstatuar vdekjen e dy personave, dyshohet se edhe dy persona të tjerë janë plagosur dhe u është ofruar ndihmë në qendrën emergjente këtu në Gjilan”, tha Hashani.
I dyshuar i cili për momentin është në arrati, rezulton i njohur për policinë e Kosovës.
“Policia e Kosovës dhe Njësitet e hetimeve rajonale në bashkëpunim me prokurorin e shtetit po i hetojnë rrethanat e këtij rasti të rëndë”, tha ai.
