Policia e Korçës është vënë në alarm pas një telefonate të një banori të fshatit Xerje në Korçë, i cili raportonte se dy persona janë vrarë në këtë fshat dhe është nisur në drejtim të tij. Me të mbërritur në fshat blutë e Korçës kanë dashur të kontaktojnë me personin që iu telefonoi, por ky i fundit ka fikur telefonin.
Pasi kanë krehur zonën forcat e policisë deklarojnë se nuk ka ndodhur asnjë krim. Sakaq burime të News24 bëjnë me dije se ngjarja është shënuar në lagjen “Xerje” të fshatit Tudas, në zonën njësisë administrative Lekas. Banorët kanë raportuar për të shtëna armësh. Dihen shumë pak detaje rreth ngjarjes.
Në vendngjarje eshte konstatuar një postbllok me një automjet të ministrisë së Brendshme në dalje të Voskopojës, në vendin e quajtur “Kulet”. Në postbllok ka edhe efektivë të forcave të armatosura.
