Një 65-vjeçar u gjet i pajetë mbrëmjen e kësaj të mërkure në fshatin Xibër të Klosit. Burime paraprake bëjnë të ditur se viktima është Selim Velsula.
Ai u gjet në rrugën që të çonte te shtëpia e tij.
Sipas policisë, 65-vjeçari dyshohet të jetë vrarë me thikë. Ai mësohet se ka marrë plagë në kokë dhe në gjoks.
“Mbrëmjen e sotme, në fshatin Xibër, pranë pronës së tij, është gjetur pa shenja jete shtetasi S.V., rreth 65 vjeç. Nga këqyrja paraprake, janë konstatuar dëmtime në trup, të shkaktuara dyshohet nga mjet prerës. Grupi hetimor ndodhet në vendngjarje dhe, nën drejtimin e Prokurorisë, po punohet për sqarimin e rrethanave të kësaj ngjarjeje”, tha policia në një njoftim paraprak për mediat.
Aktualisht, rrethanat dhe motivet e ngjarjes mbeten të paqarta, ndërsa hetimet po vijojnë.
