Një ekzekutim me armë ka ndodhur pas mesnatës në Sukth të Durrësit, ku një 38-vjeçar mbeti i vrarë.
Raportohet se viktima është Fatjon Dervishi, nipi i një personazhi të njohur në zonën e Sukthit.
Ndaj viktimës u qëllua me breshëri arme nga persona të panjohur.
38-vjeçari ndërroi jetë në spital.
Njoftimi paraprak i Policisë së Durrësit:
Në Katund, Sukth, tek shinat e trenit, nga persona ende të paidentifikuar është qëlluar me armë zjarri shtetasi F.J. 38 vjeç, i cili u transportua menjëherë në spital për ndihmë mjekësore, por si pasojë e plagëve të marra ka ndërruar jetë në spital.
Shërbimet e Policisë me marrjen e njoftimit kanë shkuar menjëherë në vendngjarje.
Në ndihmë të Policisë vendore janë nisur dy grupe të Fnsh-së Tiranë.
Grupi hetimor ka shkuar në vendngjarje dhe në bashkëpunim me Prokurorin vijon veprimet për zbardhjen dhe dokumentimin e rrethanave të ngjarjes, me qëllim identifikimin dhe kapjen e autorit/ve.
Ndërkohë shërbimet e Policisë kanë ngritur pika kontrolli dhe vijon krehja e zonës.
/a.r
