Një i vrarë dhe dy të plagosur është bilanci i një ngjarje të rëndë që ka ndodhur pas një konflikti në një familje në fshatin Topojan të Bulqizës.
Nga informacionet e para mësohet se viktima është dhëndri i familjes. Ai është goditur me thikë.
Sipas mediave, ditën e djeshme dhëndri i ka prerë veshët vëllait të nuses në Maqellarë, ndërsa sot ka shkuar në shtëpinë e nuses në Topojan dhe ka plagosur një tjetër me thikë. Fill pas sulmit, dhëndri është vrarë nga vjehrri, i cili mësohet se e ka goditur me dru pas kokës.
Policia ka arrestuar tre persona.
“Specialistët për Hetimin e Krimeve të Rënda në D.V.P. Dibër, në bashkëpunim me Komisariatin e Policisë Dibër arrestuan në flagrancë shtetasit:
– V.Ç., 68 vjeç, banues në Topojan, për veprën penale të “Vrasjes për shkak të marrëdhënieve familjare” në bashkëpunim;
– G.D., 28 vjeç dhe A.D., 34 vjeç, (vëllezër) për veprën penale të ‘Vrasjes me dashje’, të kryer në bashkëpunim”.
/a.rada
