Presidenti i Rusisë, Vladimir Putin, ka nënshkruar dekretin e shfuqizimit të traktatit për armët bërthamore me SHBA-në, që daton që nga Lufta e Dytë Botërore, raporton Reuters. Rusia pati deklaruar muajin e kaluar se do të shfuqizojë traktatin pasi Shtetet e Bashkuara fillimisht u shprehën se do të tërhiqen nga marrëveshja. Uashingtoni e ka akuzuar Rusinë për shkeljen e saj me krijimin e raketës 9M729. Moska e mohon se raketa në fjalë bie ndesh me marrëveshjen.
Ditë më parë sekretari i Përgjithshëm i NATO-s, Jens Stoltenberg, ka thënë se të NATO-ja duhet të jetë e përgatitur për një botë pa këtë Traktat dhe me më shumë raketa ruse.
“Raketat e reja ruse kanë kapacitet bërthamor, ato mund të arrijnë në qytetet evropiane, janë të vështira për t’u vërejtur ndaj është e rëndësishme që të vazhdojmë t’i bëjmë thirrje Rusisë të veprojë në përputhje me paktin” pati thënë Stoltenberg.
Traktati është nënshkruar në vitin 1987 nga presidenti i atëhershëm i SHBA-së, Ronald Reagan, dhe udhëheqësi sovjetik, Mikhail Gorbachev. Traktati, i cili ka eliminuar një klasë të tërë të raketave nga Evropa, konsiderohet kyç për stabilitetin strategjik mes Uashingtonit dhe Moskës.
/a.meta
