Një propagandiste ruse i ka kërkuar në mënyrë tronditëse presidentit Vladimir Putin që të shkaktojë shkatërrim në Britani me një sulm bërthamor.
Ekspertja ushtarake kryesore e televizionit rus kombëtar, e njohur ndryshe si “Kukulla e hekurt” e Putinit dje pohoi se Kremlini duhet të kishte goditur kryeqytetin e Londrës, gjatë funeralit shtetëror të Mbretëreshës Elizabeth II.
Ky pohim vjen si kërcënimi më i fundit rrëqethës nga kanalet shtetërore të Putinit, në mes të pengesave të vazhdueshme për forcat e tij të armatosura në Ukrainë.
Moska gjithashtu ka fajësuar Britaninë për nxitjen e veprimit perëndimor kundër Kremlinit.
Komandanti ushtarak, Andrey Gurulev tha se kërcënimet perëndimore ndaj referendumeve të planifikuara për bashkimin me Rusinë në zonat e pushtuara të Ukrainës duhet të shihen si një vijë e kuqe.
Gjenerali, i cili është anëtar i komitetit të mbrojtjes të parlamentit rus, tha në TV: Nëse ekziston një kërcënim real për territorin rus, ne kemi plotësisht të drejtë të përdorim armë bërthamore./m.j
