Policia e Shijakut ka vënë në pranga dy të mitur mbi të cilët rëndon akuza për mbi 13 vjedhje të kryera në bashkëpunim.
Dy personat në fjalë mësohet se lëviznin me biçikleta dhe trokisnin në dyer të ndryshme të banorëve. Në momentin që askush nuk ua hapte derën, hajdutët kuptonin se në banesë nuk kishte njeri dhe hynin me forcë duke plaçkitur ç’të gjenin.
Të arrestuarit janë vetëm 13 dhe 14 vjeç ndërsa atyre u janë gjetur telefona celularë, ora, bizhuteri floriri etj.
