Dhjetëra forca policie janë parë disa minuta pas mesnatës të ushtrojnë kontroll në lokalin “Vila Gjuta”.
Lokali në fjalë, i cili ndodhet në Rrugën e Elbasanit në kryeqytet, mësohet se është pronë e familjes së Vladimir Gjutës i shpallur në kërkim.
Ky shtetas është shpallur në kërkim që prej muajit shkurt, pasi akuzohet si organizator i tritolit të vendosur në farmacinë e babait të ministrit Saimir Tahiri.
Nga operacioni i mesnatës nuk ka të dhëna paraprake, por policia pritet të dalë gjatë paradites së të enjtes me një deklaratë.
