Ka qenë i vëllai që i ka vendosur tritol në makinë minatorit Elton Debreshit, i cili kandidoi për deputet si kandidat i pavarur në Dibër në zgjedhjet e 25 prillit. Sipas Policisë, në pranga ka rënë Alfred Debreshi, 29-vjeç. Ngjarja u regjistrua në orët e para të mëngjesit në Bulqizë, ndërsa fatmirësisht nga shpërthimi pati vetëm dëme materiale. Nuk dihen ende arsyet se për Alfred Debresi i vendosi tritol makinës së vëllait të tij, Elton Debreshit.
NJoftimi i policisë
Zbardhet ngjarja e ndodhur mesnatën e datës 27.08.2021, ku automjetit të shtetasit E. D., iu vendos një sasi e vogël lënde plasëse.
Vihet në pranga autori i dyshuar.
Në vijim të punës për zbardhjen dhe dokumentimin e ngjarjes së ndodhur mesanatën e datës 27.08.2021, falë veprimeve të shpejta profesionale dhe hetimore, specialistët për Hetimin e Krimit në Komisariatin e Policisë Bulqizë nën drejtimin e Prokurorisë, bënë të mundur zbardhjen e ngjarjes, dhe si rezultat u arrestua në flagrancë shtetasi:
A. D., 29 vjeç, banues në Bulqizë, pasi ky shtetas dyshohet se është autori i vendosjes së lëndës plasëse në automjetin tip ‘Mercedez Benz’, në pronësi të vëllait të tij shtetasit E. D.
Materialet procedurale i kaluan Prokurorisë pranë Gjykatës së Shkallës së Parë Dibër për veprat penale “Shkatërrimi i pronës me eksploziv”; “Mbajtja pa leje e lëndëve plasëse” dhe Deklarim i rremë para oficerit të policisë gjyqësore”.
g.kosovari
