Një sasi lënde eksplozivi i është vendosur sot kreut të Aleancës Kuq e Zi për Kavajën. Ngjarja ndodhi mbrëmjen e sotme në lagjen nr.6.
Sipas të dhënave paraprake, nga shpërthimi me eksploziv ishte vendosur tek dera e jashtme e banesës së Dritan Kanaparit. Burime zyrtare nga policia bënë me dije se nga shpërthimi fatmirësisht ka pasur vetëm dëme materiale.
Deri më tani nuk dihen rrethanat e kësaj ngjarje si dhe autorët, ndërsa policia ndodhet në banesën e Kanaparit ku po bën verifikime.
NJOFTIMI I POLICISE
Në lagjen Nr 6, Kavajë, në derën e jashtme të banesës së shtetasit D. K., dyshohet të jetë vendosur një sasi lënde eksplozive. Si pasojë e shpërthimit të kësaj lënde, nuk ka viktima por vetëm dëme materiale të pa përfillshme, në derën e jashtme të oborrit rrethues me kangjella. Policia në vendngjarje po punon për zbardhjen e ngjarjes dhe identifikimin e autorëve.
