Nëna e futbollistit shqiptar Aleksandër Lambi, ndodhej në tribunat e stadiumit, kur djali i saj u rrëzua në ndeshjen ndaj Ermionidës duke humbur jetën. I riu fatkeq humbi ndjenjat në fillim të ndeshjes dhe me gjithë përpjekjet e mjekëve përfundoi pak orë më vonë në spital, por nuk mundi të mbijetojë.
I riu është dërguar në spital, por për fat të keq, nuk ka arritur të mbijetonte, duke ndërruar kështu jetë për shkak të një ataku kardiak.
Ngjarja bëhet edhe më tragjike, ku e ëma e futbollistit ka parë të gjithë skenën kur të birit i bie të fikët ne mes të fushës së blertë, pasi po ndiqte ndeshje nga tribuna e stadiumit.
Lambi, cilësohej si një futbollist mjaft i talentuar dhe ishte pjesë e ekipit grek Apolon Smirnis, ndërsa së fundmi, ishte i huazuar te skuadra e Liupoli, ekip në kategorinë e 3 të kampionatit grek.
Për ndarjen nga jeta të 22-vjeçarit kanë shprehur ngushëllimet edhe klubet e futbollit që kanë pasur bashkëpunim me futbollistin shqiptar Aleksandër Lambi./m.j
