Legjenda e futbollit Edson Arantes do Nascimiento Pelé ka vdekur në moshën 82-vjeçare, viktimë e kancerit të zorrës së trashë . Ylli brazilian e kishte luftuar këtë sëmundje që nga viti i kaluar dhe shëndeti i tij ishte komplikuar ditët e fundit. Ai kishte ndaluar së reaguari ndaj kimioterapisë dhe po merrte kujdes paliativ në spitalin Albert Einstein në Sao Paulo.
Ai u shtrua në këtë spital, të njëjtin që shkonte rregullisht për të marrë kimioterapi, të martën e kaluar për një rivlerësim të trajtimit të tij për kancerin e zorrës së trashë dhe vuante nga një infeksion respirator. Në një deklaratë , spitali raportoi të shtunën se përgjigja e ish-futbollistit ishte e mirë dhe se ai po i përgjigjej mirë trajtimit kundër këtij infeksioni.
Pele vlerësohet se ka shënuar një rekord botëror 1,281 gola në 1,363 paraqitje gjatë një karriere 21-vjeçare, duke përfshirë 77 gola në 92 ndeshje për vendin e tij.
I vetmi lojtar që fitoi Kupën e Botës tre herë, duke ngritur trofeun në 1958, 1962 dhe 1970, Pele u shpall Lojtari i Shekullit nga FIFA në 2000./m.j
