Tre automjete janë përplasur me njëri-tjetrin në aksin rrugor Tepelenë-Gjirokastër. Ngjarja ka ndodhur rreth orës 11:00, në afërsi të një karburanti në Luzat. Sipas pasojë kanë mbetur të plagosur tre persona.
“Mjeti me targa KS 0119 FE, në të cilin udhëtonin dy shtetas (bashkëshortë) A.C 52 vjeç dhe A.C 45 vjeç, të cilët janë transportuar menjëherë për në spitalin rajonal Gjirokastër.
Mjeti me targa AA 987 AN me drejtues shtetasin B.M ,58 vjeç, i cili është transportuar drejt spitalit rajonal Gjirokastër.
Si dhe mjeti me targa TR 5674 K, me drejtues mjeti shtetasin A.M, 54 vjeç, i cili nuk pati probleme shëndetësore. Të tre të dëmtuarit ndodhen jashtë rrezikut për jetën”, thuhet në njoftimin e policisë.
Grupi hetimor po kryen veprimet në vendngjarje për të sqaruar rrethanat dhe shkakun e aksidentit.
