Një tren pasagjerësh ka dalë nga shinat në Turqi duke shkaktuar vdekjen e të paktën 10 personave dhe plagosjen e 73 të tjerëve.
Lajmi bëhet i ditur nga agjencia turke e lajmeve “Anadolu Agency”, e cila citon burime të Ministrisë së Shëndetësisë.
Sipas medias turke nga shinat dolën 6 prej vagonëve të trenit me 360 pasagjerë.
Aksidenti i rëndë hekurudhor ndodhi pasditen e së dielës në Tekirdag, teksa treni mësohet se udhëtonte nga Uzunköprü për në Stamboll.
Kryeministria turke tha se shkak për aksidentin ishte bërë dëmtimi i një ure si pasojë e rrëshqitjes së dheut pas shirave të dendur.
Dëmtimet e rënda në urë shihen qartë edhe në fotot e publikuara nga mediat turke. /b.d
