Trendet e fundit të palltove për sezonin vjeshtë-dimër 2015-16
Edhe pse shumë prej jush janë ende me pushime dhe mendimi për të veshur rrobat e trasha ju duket ende i largët, koleksionet për vjeshtë-dimër 2015-16, tashmë kanë mbërritur nëpër dyqane. Kjo është arsyeja pse po ju paraqesim pesë tendencat që vijnë për këtë sezon, që ju ta keni më të lehtë të zgjidhni të preferuarat tuaja për këtë dimër.
Pallto e gjatë – Nëse ju jeni gati për të blerë veshjet e dimrit, apo pallto, këshilla është që të përqendroheni në modelet e stinës dhe të zgjidhni materialet më cilësore. Çfarë të blini? Zgjidhni pallton shumë të gjatë, si ato të “Calvin Klein”, ose ato poshtë gjurit që për këtë sezon i propozon dhe sjell në treg Zara.
Palltot dekorative – Kjo është ajo që për këtë sezon është një nga modelet që ka mbushur dyqanet. Palltot e gjata me zbukurime dekorative vinë në kadife dhe në treg i sjell “Tory Burch” e “Marques’Almeida”. Por nëse ju preferoni diçka më të shfrenuar për veten tuaj, një zgjidhje e përkryer do të ishin modelet cigane nga “Burberry Prorsum”.
Palltot prej pellushi – Leshi për dimrin është një domosdoshmëri, për të përjetuar të ftohtin. Për këtë ka menduar “Louis Vuitton”, i cili ofron bolero të shkurtra prej pellushi të bardhë të kombinuar me lëkurë.
Kthimi i viteve ’80 – Po, ato janë kthyer përsëri. Pas të paktën dy sezoneve me xhins, funde me bel dhe këpucë me platformë, kjo ishte e pashmangshme që herët a vonë dizenjatorët të rikthenin modelet e hershme të viteve ’80. Veshjet e para viteve ’80 janë këtu sërish për të qëndruar gjatë, por me një version të korrektuar.
Orientimet nga Lindja – për ata që duan kulturat e largëta, për sezonin e dimrit, mania e çmendur na çon në Lindje. Nëse ju tërheqin veshjet me qëndisje, hidhini sytë nga “Dries Van Noten” e Valentino. Nëse ju doni diçka me dekor të thjeshtë, “Marni” do të jetë një zgjidhje e mirë
