Trëmbet Skënderbeu, apel tifozëve
KF Skënderbeu i trembet incidenteve nga tifozët, sic ndodhi të enjten në ndeshjen Kukesi- Legea.
‘SportPress.al’ shkruan se klubi i ka bërë thirrje tifozerisë në rrjetin social Facebook. Më konkretisht, admnistratorët shkruajnë:
Me shpresen se do gjejmë mirkuptimin e të gjithë tifozëve që të mërkurën e ardhshme do të jenë në mbështetje të klubit në “Elbasan Arena” dëshirojmë t’iu bëjmë thirrje për qetësi para dhe gjatë zhvillimit të ndeshjes.
Klubi jonë në bashkëpunim me instancat përkatese po merr masat e duhura për zhvillimin normal të ndeshjes por mbi të gjitha shpresojmë që tifozeria jonë të percjelle kulturën e zakonshme duke mos u bërë pjesë e incidenteve që mund të dënojne klubin dhë të ndërpresin këtë ëndërr të madhe europiane.
Faleminderit për mirëkuptimin !
