Tremben portugezët, Santos: Ndaj Shqipërisë do të jetë vështirë
Kundërshtarët e Shqipërisë kanë publikuar më herët emrat e lojtarëve për ndeshjet e radhës. Danimarka do të luajë edhe ndaj Armenisë, ndërsa Portugalia më parë do të zhvillojë miqësoren me Francën. Te danezët mungon qendërmbrojtësi Andreas Bjelland, ndërsa te portugezët William Carvalho është i dëmtuar, ndërsa Joao Moutinho në dyshim.
Fernando Santos (Trajner i Portugalisë): “Ndeshja me Shqipërinë është shumë e rëndësishme. Jemi 3 ekipe në garë për t’u kualifikuar dhe mes tyre është edhe përfaqësuesja shqiptare. Ne e dimë që do të jetë e vështirë, pasi kundërshtari ka humbur vetëm në miqësoren me Italinë. Duhet të jemi vigjilentë, sepse një fitore do të ishte një hap i rëndësishëm drejt fazës finale që do të mbahet në Francë”.
Diferenca e pikëve mes Shqipërisë dhe Portugalisë është 2, por Kuqezinjtë kanë 1 ndeshje më pak se kundërshtarët. Ndaj përfaqësueses portugeze nisën eliminatoret me atë fitore të papritur në fushë kundështare.
