Në tregun e këmbimit valutor vendas, leku ka shënuar rivlerësim këtë fundjavë kundrejt valutave kryesore euro dhe dollarë.
Sipas kursit zyrtar të Banksë së Shqipërisë, të shtunën një euro është këmbyer me 138.83 lekë, 0.07 lekë më pak se të premten, duke konfirmuar një kërkesë me të ulët në treg për monedhën evropiane, ndonëse ajo ka patur ecuri të mirë në tregjet ndërkombëtare.
Tendencë negative ka shënuar edhe dollari, i cili ka zbritur në kuotën e 127.63 lekëve, duke u zhvlerësuar me 0.12 lekë kundrejt javës së shkuar.
Tregu vendas duket i qetë dhe kërkesa për valuta relativisht e dobët, ndërkohë që në bursat ndërkombëtare monedha evropiane ka regjistruar forcim të lehtë ndaj dollarit amerikan.
Banka e Shqiperise konfirmon se tregu valutor është i qendrueshëm dhe stabël.
