Tregu i karburanteve në Shqipëri vijon të jetë i paqëndrueshëm.
Çmimi i naftës në tregun me pakicë ka pësuar përsëri rritje, duke shkuar në 215 lekë për litër.
Sipas vëzhgimeve të fundit në pikat e shitjes, çmimi i naftës është rritur nga 199 lekë në 215 lekë për litër, duke u rikthyer në nivele më të larta pas uljes së regjistruar më herët.
Lëvizja e çmimeve në tregun shqiptar vjen në një periudhë kur edhe tregjet ndërkombëtare të naftës kanë shfaqur luhatje të forta.
Rritjet e çmimeve në bursat ndërkombëtare janë reflektuar në tregun vendas, duke sjellë ndryshime të njëpasnjëshme në çmimin e karburanteve, informon TCH.
Gjatë muajve mars-qershor, në kushtet e luhatjeve të forta të çmimeve, në Shqipëri funksionoi Bordi i Transparencës, i cili përcaktonte çmimet maksimale të shitjes për karburantet.
