Tregtarët e Tiranes zhvilluan nje protestë para Kryeministrisë për të kundërshtuar ligjin për procedurat tatimore, duke bere te ditur se do te dergojne ligjin për interpretim në Gjykatë Kushtetuese, duke e konsideruar jo në përputhur me Kushtetutën dhe të drejtën e tregtarëve.
Protesta e tregtarëve paraditen e sotme para Kryeministrisë u organizuar nga Shoqëria Civile dhe Shoqata për Mbrojtjen e Tregtarëve, duke kundershtuar ligjin për procedurat tatimore.
Përfaqësuesi i shoqërisë civile, Besian Pesha, tha se “Betejat nuk do të jenë vetëm protestat, por dhe beteja ligjore, pasi do ta dërgojmë ligjin në Gjykatën Kushtetuese”.
Ndersa Nikollaq Neranxi, në emër të Shoqatës së Mbrojtjes të Tregtarëve, tha se “Kemi ardhur këtu për te thënë se nuk jemi dakord me gjobat që u vihen tregarëve dhe se nuk jemi dakord me ligjin për procedurat tatimore dhe burgosjen e biznesit. Ju bëj me dije se do e dergojme ligjin në Gjykatën Kushtetuese dhe se do vazhdojmë protestat në të gjithë vendin”.
Tregtarët kanë kërkuar ndryshimin e ligjit për procedurat tatimore, pasi sipas tyre, nuk burgoset tregtarët me tre vite burg për një kupon tatimor, ndërsa pushtetarët e korruptuar nuk përballen me ligjin.
