Tregtarët e Zdralës kanë dalë sërish në protestë ditën e sotme, përpara Bashkisë. Mësohet se një përfaqësues i tyre po zhvillon një bashkëbisedim kryetaren e bashkisë Voltana Ademi pas vendimin për mbylljen e tregut deri më 23 qershor.
Kjo është protesta e dytë pasi ende ndaj tyre nuk ka nje përgjigje konkrete përveç vendimin zyrtar që bën me dije se gjithçka do të mbyllet si pasojë e masave ndaj koronavirusit. Tregtarët e kanë kundërshtuar këtë vendim duke zhvilluar një prostestë më 27 prill, ku edhe u shprehën të gatshëm që të paguanin edhe më taksa për rihapjen e tregut.
Ata thonë se janë në vështirësi, ndaj kërkojnë hapjen e tregut.
“Periudha është e vështirë prap. 7 ditë kanë shkuar, të shkojnë edhe 10 nuk dihet kur përfundon kjo punë. Si i thonë asaj fjalë “prit gomar të mbijë bar”. Unë nuk jam dakord të presim më gjatë. Unë filloj që nesër. Të na caktojnë një copë vend ku të shesim dhe ne paguajmë kundrejt një page. Tregu kushedi kur bëhet”.
Të vetëdijshëm që nuk i takon paga e luftës, thonë se kanë punuar në të zezë.
“Nuk na takon pagë lufte na kanë thënë. Ne nuk kemi paguar anjë taksë, nuk kemi pse të rrejmë. Kemi punuar në të zezë, kemi punuar dhe kemi punuar dhe i kemi futur në xhep tonë. Por nevojë kemi”.
g.kosovari
