Prokurori i Durrësit Arjan Ndoja ka dalë përpara organeve të Komisionit të Pavarur të Kualifikimit për t’iu nënshtruar Vettingut.
Kujtojmë se prokurori Ndoja ka rënë pre e një atentati mafioz me armë në autostradën Tiranë-Durrës më 1 Nëntor 2019.
DSIK, Drejtoria e Sigurimit të Informacionit të Klasifikuar, gjatë seancës në KPK, ka deklaruar se prokurori Arjan Ndoja dyshohet të ketë favorizuar persona me precedent penal.
DSIK thotë se në vitet 2009 dhe 2010, Ndoja ka patur kontakte me persona të përfshirë në korrupsion.
Sa i përket atentatit ndaj tij ku në makinë ishte së bashku me Aleksandër Lahon dhe shoferin e tij që mbeti i vrarë Andi Maloku, prokurori Arjan Ndoja tha se “atentati ka ardhur si pasojë e ndërhyrjes së qeverisë”.
/b.h
