Policia e Krujës, pas një hetimi për zbardhjen e plotë të ngjarjes, ka bënë të mundur ndalimin e Erson Doda, 28 vjeç, banues në fshatin Bubq. Sipas policisë së Krujës, ndalimi i tij u bë pasi me datë 24 gusht në bashkëpunim me dy vëllezërit e tij, T.D. 44 vjeç dhe M.D. 41 vjeç, për motive të dobëta kanë plagosur rëndë, duke e goditur me mjete të forta kushëririn e tyre, B.D. 55 vjeç, banues në Krujë.
Dy vëllezërit e tjerë janë shpallur në kërkim dhe vijon puna për kapjen e tyre. Sipas bluve ngjarja ka ndodhur për motive të dobëta. Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale ”Plagosja e rëndë me dashje”, në bashkëpunim.
