Sot ishte një ditë e rëndë pasi tre pushues u mbytën në det, dy në Durrës dhe një turiste polake në Sarandë. Duket se ngjarjet janë ndikuar edhe nga deti i trazuar që ka qenë sot.
Pas këtyre ngjarjeve, Bashkia e Vlorës përmes një njoftimi në faqen zyrtare në Facebook u bën thirrje të gjithë pushuesve që kanë zgjedhur këtë qytet për të pushuar që të mos futen në det për t’u larë, pasi deti ka shumë dallgë.
“Të dashur qytetar dhe pushues në qytetin e Vlorës, duke i’u referuar kohës së sotme. Ju lutemi shmagni larjen në det për arsyen e dallgëve të larta. Të gjithë bizneset që zotërojnë plazhet në territorin e Vlorës të vendosin flamurin e kuq”, thuhet në mesazhin e bashkisë./a.m.
