Një i mitur ka gjetur vdekjen gjatë ditës së sotme në ujërat e lumit Shkumbin.
Sipas policisë, i mituri me inicialet K.A, banues në fshatin Hotolisht, kishte shkuar për tu larë në lumë së bashku me vëllain dhe kushëririn e tij, ndërsa rrezikoi të mbytej.
I vëllai dhe kushëriri kishin tentuar ta shpëtonin, por nuk kishin mundur dhe për shkak të ujit të tepërt që kishte pirë 14 vjeçari ndërroi jetë.
Mbytja e 14 vjeçarit e ka çuar në 3 numrin e viktimave gjatë dy ditëve të fundit.
Gjatë 24 orëve të fundit një vajzë 12 vjeçare ndërroi jetë në plazhin e Divjakës duke u larë në det.
Ndërsa një 74 vjeçar ndërroi jetë në plazhin e Velipojës, menjëherë pasi u nxorr nga deti.
Njoftimi i plotë i policisë:
Më datë 15.08.2017 duke u larë në lumin Shkumbin është mbytur, shtetasi i mitur K.A., 14 vjeç banues në fshatin Hotolisht.
Shtetasi K.A kishte qenë duke u larë në Lumin Shkumbin, së bashku me vëllain dhe kushuririn e tij. Të dy kishin tentuar për të shpëtuar 14 vjeçarin por nuk kishin mundur dhe për shkak të ujit të tepërt që kishte pirë 14 vjeçari ndërroi jetë.
Grupi hetimor u dërgua menjëherë në vëndngjarje dhe po kryen veprimet hetimore dhe proçeduriale./javanews.al/a.ç